ଜୁଲାଇ ୧ରୁ ୧୦ ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା, ଜାଣନ୍ତୁ କେଉଁ ଦିନ କେଉଁ ପରୀକ୍ଷା ?

 

ମାଧ୍ୟମିକ ଶିକ୍ଷା ପରିଷଦ(ବିଏସଇ) ପକ୍ଷରୁ ମାଟ୍ରିକ ସପ୍ଲିମେଣ୍ଟାରୀ ଏବଂ ଓଡ଼ିଶା ଷ୍ଟେଟ୍‌‌ ସ୍କୁଲ ସାର୍ଟିଫିକେଟ ପରୀକ୍ଷା କାର୍ଯ୍ୟସୂଚୀ ପ୍ରକାଶ ପାଇଛି। ଜୁଲାଇ ୧ରୁ ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ହେବ। ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଜୁଲାଇ ୧ରୁ ଆରମ୍ଭ ହୋଇ ୧୦ ତାରିଖ ଯାଏଁ ଚାଲିବ। ସକାଳ ୯ଟାରୁ ୧୧ଟା ୩୦ ଯାଏଁ ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଅନୁଷ୍ଠିତ ହେବ ବୋଲି ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। 

ସେହିପରି ଓଡ଼ିଶା ରାଜ୍ୟ ମୁକ୍ତ ବିଦ୍ୟାଳୟ ପ୍ରତିଷ୍ଠାନ, ଓଡ଼ିଶାର ପରୀକ୍ଷାର୍ଥୀଙ୍କ ପାଇଁ ପରୀକ୍ଷା କାର୍ଯ୍ୟସୂଚୀ ପ୍ରକାଶ ପାଇଛି। ଜୁନ ୩୦ରୁ ଷ୍ଟେଟ ଓପନ ସ୍କୁଲ ପରୀକ୍ଷା(୨ୟ) ଅନୁଷ୍ଠିତ ହେବ। ଏହି ଜୁନ ୩୦ରେ ଆରମ୍ଭ ହୋଇ ଜୁଲାଇ ୧୦ ତାରିଖ ଯାଏଁ ଚାଲିବ ବୋଲି ସୂଚନା ଦିଆଯାଇଛି।

କେଉଁ ଦିନ କେଉଁ ପରୀକ୍ଷା

ଜୁଲାଇ ୧ ତାରିଖ- ପ୍ରଥମ ଭାଷା

ଜୁଲାଇ ୨ ତାରିଖ- ସମାଜିକ ବିଜ୍ଞାନ

ଜୁଲାଇ ୪ ତାରିଖ- ଗଣିତ

ଜୁଲାଇ ୭ ତାରିଖ- ଦ୍ୱିତୀୟ ଭାଷା

ଜୁଲାଇ ୯ ତାରିଖ- ସାଧାରଣ ବିଜ୍ଞାନ

ଜୁଲାଇ ୧୦ ତାରିଖ- ତୃତୀୟ ଭାଷା